Fahim Messaoudène

 Le : 17 - 12 - 2012

Fahim Messaoudène est un poète et parolier algérien d’expression Kabyle. Fahim est né le 07 mai 1981, il est natif du village Azaghar Aouana dans la localité de Yakouren.

Parolier, entre autres, du groupe : YUFITREN
Quelques-uns de ses poèmes :  
- Limmer d taxatemt akem id aɣeɣ
- Iwfus-iw akem qneɣ
- S yiss ad cebbeḥeɣ idudan-iw
- Limmer am kem ad afeɣ
- Tili im wexxereɣ
- Etc...

Fahim Messaoudène est connu, sur le site de musique berbère, sous le pseudo : mouhouvouj. Il est un membre, très actif à travers ses contributions de qualité, nous le remercions notamment pour ses propositions d'artistes, ajout des paroles,...



Biographie en berbère

Mesɛuden Fahim, s Tefṛansist « MESSAOUDENE Fahim », d yiwen umedyaz n taddart n warasafen id ilulen ass n 7 di mayyu 1981, di taddart n uzaɣar aɛwana ( Azaghar aouana )id yezgan deg ugafa-d usamar (nord-est) n tɣiwant Iɛekkuren.

Yekr-ed di twacult n ukuẓ ( 4 ) watmaten, asmi yesɛa 5 iseggasen, imawlan-is bedlen tamaṭ ruḥen zedɣen di taddart n wagarsafen (iguersafène ) , anda yella yezdeɣ ar ass-a, sebba n ṛḥil nsen d aɣarbaz, imi taddart n uzaɣar aɛwana ur tesɛin ara, ass-a ǧǧan-tt ak imezdaɣ-is qqimen-d sin kan iyzedɣen dinna ; Asmi yewweḍ 6 iseggasen yekcem s aɣarbaz n taddart-is, deg useggas n 1986.

Deg useggas n 1989, yekcem ar tdukla tadelsant yella n taddart-is, am netta am yelmeẓyen ak n yimiren yekcem ad yexdem addal n (sport vo-vietnam), maca ur yebdi-yara alarmi yaḥbes, imi allaɣ-is yerra anda nniḍen ; Ar yedles ak d teqbaylit, ayen ak it yeswahmen asmi yeqqar, d tameslayt-is, amek ! yeqqar tutlayt n taεṛabt, ma deg uxxam yettmeslay s teqbaylit ! iɣil-as aken ak leǧnas, sɛan snat n tutlayin, alarmi d asmi meqqar dayen yegza tamsalt amek id tella ; Aya ak d amaynut ar ɣuṛes, s-yinna inuda yewwi-d agemmay n tmaziɣt yura s yeskilen n tlatinit ak d tfineɣ, yefṛaḥ nezzah, iḥulfa s laḥṛaṛa yellan deg ul-iw tennarna, s yiss yebda yettaru awalen sya w-sya, akken tid yenṭaq yiles-is, akken alarmi d asmi yekcem ak ugemmay nni s aqarru-yis, s-yinna akkin yebda yettaru isefra n yiwet n tesfift n Dda Sliman Σazem, ad aken is yeqqaṛ " Ay aɛessas n tala", am akken d nekk iyxedmen isefra nni, ɣas ma yella ur yessin ara allugen n tira, maca tira isefra nni tecbaḥ teqnunec.

Deg useggas n 94, yufa-t-id lḥal yeqqar deg uɣarbaz alemmas, aseggas nni id yella-d unaḥbus ɣaf leqraya di tmurt n leqbayel ( boycott ), imi amussu adelsan yegr-ed tiɣri : “Ma ulac tamaziɣt, ulac leqraya…” ; Asmi yekcem ar tesnawit, yemlal-ed d kra inelmaden it-yugaren tamusni, dinna yebda yettisin ugar n wayen yella yesn-it, yebda isell s kra n wudemawen n yedles, am Si muḥend wemḥend, Ben Muḥemmed, Muḥya, Lewnis At Mengellat, Ferḥat, maɛtub, Nwaṛa, Yidir, Maǧid Sula ... d waṭas nniḍen, yessen daɣen kra n wudmawen n tsekla taqbaylit , am Saɛid Iɛemṛac.

Deg seggasen nni n 96-97, yella yiwen umedyaz d amɣaṛ ileḥḥu ɣaf leswaq, yettas-ed ar ssuq n ssebt deg iɛeẓẓugen, yettaṭaf dinna amkan yettawi-d isefra, amedyaz nni sawalen-as Muḥend Uyidir bu isefra, mi kan id yewwi asefru, lɣaci as-fken iṣuṛdiyen, Fahim iḥemmel aṭas ad yeqqim dinna ar ɣuṛes, isell iysefra id yattawi, tiswiɛin yettɣimi dinna azgen n wass, itettu iman-is, itettu leqṛaya-ines… Cwit, cwiṭ ula d netta yettaɛṛad ad yaru tiktiwin-is, iḥulfan-is, d wayen ak yettidir, atenan kra seg sefra imenza yura :

- Limmer d taxatemt akem id aɣeɣ
- Iwfus-iw akem qneɣ
- S yiss ad cebbeḥeɣ idudan-iw
- Limmer am kem ad afeɣ
- Tili im wexxereɣ
- As kellexeɣ, ad simeneɣ ul-iw
- Si temẓi ikem mlaleɣ
- D kem iḥemleɣ
- Fellam iseggax wul-iw

Deg useggas n 97, yessen Muḥya u Yaḥya,yessen amezgun; Dindin tusa-tid tekti ad yaru taceqquft umezgun, yessaweḍ yura-tt izewel-ines :“Ar melmi ara idum waya”, akken tt-yekfa s tira, yeslul-ed yiwet n tarbaɛt ara ttid-yuraren, yedm-ed kan imdukal-is deg uswaɛ nni akken kan ay neddukul, xas akken xaṭiten amezgun, xas ma xuṣṣen ur ssinen ara amezgun, maca ar ɣures garzen, asmi dayen s-ulin-tt uraren-ttid deg tesnawit n Iɛeẓẓugen ( technicum d’azazga ), anda yella yeqqar yakan imiren, taɛǧeb iwiden iḥedṛen dinna assen nni, llan ḥedṛen ula d iselmaden yeselmadin dinna, tira n tceqquft-agi tarna-yas afud , t-degrit ar zdat ugar.

Di 2001 yekcem ar tedawit n Tizi wezzu, dinna yufa imawlan n yedles, yemmuger timusniwin nniḍen, dinna yebda yettaf-ed iman-is di tira, di tmedyazt, di lawan nni id tella twizi akken ad allen tiliẓri n leqbayel akken ur teɣelli-yara ( telethon Br-Tv ), yeddem, di taddart-is, yarna-d ar ɣures ssin yelmeẓyen, ttizya-s, heggan leqdic I lmend n 3 wussan, lɣaci n taddart usan-d sedqen, fkan-d yal yiwen iwayen umi yezmer s-yinna akin uznen-ten iy ɛeggalen n tliẓri Br-Tv. Din kan tusa-d tefsuyt tabarkant, tin yewwin acḥal d ilemẓi, di lawan nni aḍar di tesdawit wayeḍ di taddart ixemmem ad yessali tadukla tadelsant, tadukla tadelsant tlul-ed d-acu kan ur iɛeṭṭel ara ijebd-ed iman-is deg-s, imi maci akken ixemmem i teffeɣ…

Deg useggas n 2007, yesdukl-ed ak isefra-s yebɣa aten id yessufeɣ deg ammud isefra, maca anda ma yesṭebṭeb medlent tewwura, dɣa yeqqim leqdic-is akken, ur iɛeṭṭil ara yessen tarbaɛt n YUFITREN, s ttawil n uẓeṭṭa ( le net ) dindin yebda leqdic, as tiniḍ m-yussanen si temẓi, aseggas akken nni leqdic yebda alarmi d asmi d-yeffeɣ uḍebsi deg useggas n 2011, imiren daɣen yemlal d ucennay lwennas ṣabi (Lounes sabi), sya arda ttemlilin ttbeddilen tiktiwin, yemlal daɣen d Iflis kamal, d Ali chabani, d Smail Kessay.
Mazal leqdic yettkemmil, imi ass-a Fahim yekcem deg aḥric unadi di tsekla n taqbaylit, ama d tiqessiḍin(conte), tinqqisin (fable), kra d asuqel ( adaptation) kra d anadi ar yemɣaren nneɣ, kra nniḍen d asnulfu, ɣures daɣen yiwen n taḥkayt yessuqel-itt-id s tutlayt n tefṛansist ar teqbaylit, ass-a yessaram yewwas ayen ak dg-I iqeddec yiwwas ad tid yessufeɣ ad teɣṛen madden, ma d isefra d isefra yemmal aṭas ar kra n icennayen id nebder yakn, ixeddem yidesen tizlatin …







RESTEZ CONNECTES AVEC MB

Inscription aux newsletters