Aït Menguellet

Artiste / groupe : Aït Menguellet
Genre : kabyle
Vrai nom : Abdenbi AïT MENGUELLET
Naissance le : 16/01/1950

Paroles : Akun ixdeɛ Ṛebbi / Aït Menguellet     Ajoutées par : tilleli92

Nessawal-assen i wid iɛeddan
I wid yemmuten ɣef lḥerma-s
Xas tettčetki ur d-as d-slan
Yak wid-ak yak ɣaben yibwas,
A yatma wi d-awen yemlan
Tamurt aɛzizen i ken yarḥan
A ken imel amek ak i tteran
Rrunn-t ulla d-tjur fell-as,

Yeṛẓa-tt lfil i ɛeddan
Yečča-tt gma-s is d-rnan,
Ad-tyenṭel win i tt-yurğğan
Yiwen ur d-asen iga tillas,

Mkul lɛib la d-yettnulfu
Yak seg-wen i d-yewwi imɣi,
Mi d-as nenna ar ad-a-ttefru
Ziɣ asayi iɣleb iḍelli,
Tamurt i teṛẓam tettru,
Ur tjebber, ur tḥellu,
Ahat tesɛa daɛwssu
Fella-wen ara d-testeqsi

Yiwen w-ass ma yehuzed w-aḍu
Neḍmaɛ yiswen ad yeglu
Aken i fṛeḍ ar d-a-teṣfu
Naɣ akun ixdaɛ Ṛebbi…

As mi akken i mi tebḍa
Sekra n w-argaz mi yedda
Yenwa ɣef tilleli,
Ziɣen ɣur-wen thegga
lmeqsuḍ d-leqyada
Mačči d-arumi,
As mi tt-tḥuzam d-ayla
Nukwni ullac, kunwi yella
Tegam-as isem tura
Akun ixdaɛ Ṛebbi..

Ajajiḥ as mi iɛedda
Yeğğa-d tiggujelt, tuğğla
Leğğraḥ d-immeṭṭi,
Win iruḥen s nniya
Yeğğa-d axxam-is yexla
Teggram-d ak kunwi,
Terram i ccaɛb ṣṛima
Ddu naɣ fek-d nnekwa
Teggam-as isem Lḥurya,
Akun ixdaɛ Ṛebbi…

Tamurt tuɣal-awen d-ayla
Teččam-tt, aken i d-awen yehwa
Ger-awen i d-teɣli,
Γurwen kra tebɣam yella
Yiwen ur yezmir a d-yinni ala
Ccaɛb ittwali,
Tewwim tamurt d-trika
Wi nteqn ad s tinni-m aka
Teqqarem-aɣ,d Ctirakya
Akun ixdaɛ Ṛebbi…

I w-akken ad-t-tṭfem lebda
Tfaṛqem tamurt, tebḍa
Aɣeṛbi, acceṛqi,
taɛdawt-nneɣ tennerna
La tesmendagem isufa
Tezgam-d i tili,
Ger-anneɣ netteɛessa
Terram-aɣ wa yekkat wa
Tennam-aɣ: Tadukli aka
Akun ixdaɛ Ṛebbi…

Ass-a, ɣas tuḍen aqeṛu-s
Γas aken mazal nxuṣ
Nerbeḥ-d aḍilli,
Γas times-nni n-zik tettnus
Yuɣal-aɣ ɣer lğğerḥ lmus
Mi tellam kunwi,
Nukni s-ccaɛb amegḥus
Kra yeḍṛan yid-neɣ drus
Mazal nekkatawen afus
Aɣ ixdaɛ Ṛebbi…

Espace commentaires... ajouter le votre