Warning: Use of undefined constant ajout_de_commentaire - assumed 'ajout_de_commentaire' (this will throw an Error in a future version of PHP) in /homepages/45/d228434944/htdocs/MUSIC-BERBERE/index.php on line 72
Aït Menguellet : paroles de Aṛǧu-yi, textes de musique kabyle

Aït Menguellet

Artiste / groupe : Aït Menguellet
Genre : kabyle
Vrai nom : Abdenbi AïT MENGUELLET
Naissance le : 16/01/1950

Paroles : Aṛǧu-yi / Aït Menguellet     Ajoutées par : baalalou

Laɛca wiss d acu yeḍṛan
S umeǧed taddart texla
Lɣaci fɣen-d si zenqan
Tiziri tbedded af yeẓra
Di tafat mi d-ɛeddan…
Ayen akni d-ɛebban…
Yufrar-d nnig iqeṛṛa
Azekka-nni mi d-kreɣ
Tiɣri lɛibad ur s-sliɣ
Yani neṭlen-t ur ḥedṛeɣ
Yili di taddart i lliɣ
Amin s-innan ak-wwteɣ…
Yerna ak-galleɣ…
Ma tsuɣeḍ ar d ad cektiɣ

Ayen ak i nehḍeṛ
Wissen ma d-yeḥḍeṛ
Yefka-t unebdu i lexṛif
Ma nniɣ-am ṣṣbeṛ
Teẓriḍ ulayɣeṛ
Iḥfiḍ ṣṣbeṛ n bessif
Ma nru ma nehḍeṛ
Ma nsuɣ ma nqdeṛ
Ayen ẓẓayen ur d-ittexfif
Aṛǧu-yi…aṛǧu-yi...
Ennan wid i d-yessawlen
D lgerra i gezwaren arǧu-yi

Aṛǧu ar d am-heḍṛeɣ
Fiḥel ma ɛeṭleɣ
Teẓriḍ d acu i d aɣ-yuɣen
D abrid ad ṛuḥeɣ
Ayen iḍṛan qebleɣ
Lexbeṛ a bbwa d-yuɣalen
ɣar din ma yawḍeɣ
Ad am-id-ketbeɣ
Am-d-ḥkuɣ i d iyi-yuɣen
Aṛǧu-yi…aṛǧu-yi…
Widak i gttḍebbiṛen
Snulfan-iyi-d iɛdawen aṛǧu-yi

ɣar tmacint uliɣ
D iṛfiqen i n-ufiɣ
Udem-iw am udmawen-nsen
Deg-sen ttwaliɣ
ɣar-sen ttcabiɣ
Yiwen uɛekkaz i ɣ-yewwten
Ma teɣlim lliɣ
Tellam m ara ɣliɣ
Di lmeḥna-neɣ d atmaten
Aṛǧu-yi…aṛǧu-yi…
Cegɛen-yi ad nnaɣeɣ
Wisen ahat ma d-uɣaleɣ aṛǧu-yi

Mi nbeḍ twanseɣ
Deg uṭas yid-neɣ
ṛɛud mbaɛid i s-nsel
Mi bedlen bedleɣ
leḥwayeǧ i yekseɣ
ṛǧant ad iyi-d-yerr wesfel
Imiren ugadeɣ
di dqayeq ḥettbeɣ
wa d-yuɣalen ad awen-imel
Aṛǧu-yi…aṛǧu-yi…
S azrar ɛelleqen-iyi isem-iw
Tamegḥelt gar ifasen-iw aṛǧu-yi

Tettuɣ-kem tikwal
yekkes-ikem wuzal
yekkes-ikem si gar wallen-iw
Aɣebbaṛ azal
ur ḥwaǧen awal d
wid i gtezzin di lmux-iw
Ass yekfan mazal
azekka a d-yuɣal
ɛṛeɣen-iyi leḥsab-iw
Aṛǧu-yi…aṛǧu-yi…
ṛṛeml s yiṭij yeḥma
ikemmel-as ṛṣaṣ yeṛɣa aṛǧu-yi

Sliɣ taqcict terna
semi-yas lehna
ahat a telhu d lfal
Neɛya di lgerra
d amennuɣ neṛwa
ma wlac aɣ-d-iṛǧem wakal
Neḥzen mi nenɣa
nefṛaḥ mi d-negra
a s-nekkes nubas i cwal
Aṛǧu-yi…aṛǧu-yi…
kul wa ad-yuɣal s axxam-is
aken ad yesfeḍ leǧraḥ-is aṛǧu-yi


Espace commentaires... ajouter le votre