Warning: Use of undefined constant ajout_de_commentaire - assumed 'ajout_de_commentaire' (this will throw an Error in a future version of PHP) in /homepages/45/d228434944/htdocs/MUSIC-BERBERE/index.php on line 72
Aït Menguellet : paroles de Yenna-d Umghar, textes de musique kabyle

Aït Menguellet

Artiste / groupe : Aït Menguellet
Genre : kabyle
Vrai nom : Abdenbi AïT MENGUELLET
Naissance le : 16/01/1950

Paroles : Yenna-d Umghar / Aït Menguellet     Ajoutées par : tilleli92

Amɣar azemni
Mi t-idd nesteqsa
D-acu ad aɣ dd-yini ?
D-acu id aɣ dd-yenna ?

Yennad : "ayen yeḍran
Xas akken niḍen
yeḍra-dd zik yakkan
Ur tesaɛd d-ac(u) idd yenulfan…

Iseqf igeni, iɣum-dd lqaɛa
A-tt-idd yettwali, segg was mi tella
Yettwali-dd usan, igg bnan leqrun
Yezra-dd ayen iḍran, d-wayen dd-iḍerun
Yezra-dd irggazen, mi neqen wiyeḍ
Wiggad iɣelṭen, wi kkemlen di leɣlaḍ

Ayen add iḍerun
Xas akken niḍen
Yeḍra-dd zik yakkan
Ur tesɛad d-ac(u) idd yenulfan…

Zman kra igg bna, zman ihuddit
Ayen yellan yelha, yettuɣal dirit
Ayen yellan dirit, yettuɣal yelha
Tettezi ddunit, tettakk nuba
Xelḍitt a-tt-ṣfu..., akka idd qaren
D-ayen ur nettraǧǧu, i d-yettifririn...

Ayen add iḍerun
Xas akken niḍen
Yeḍra-dd zik yakkan
Ur tesɛad d-ac(u) idd yenulfan…

Lḥeq d-awal kkan, d-arbib n-tmara
Acḥal it yebɣan, ur tufin-ara ?
Lbaṭel d-aqdim, yis tebna ddunit
ɣurwen mi dd-yeqim, lxuf yeceččit
Yis igg ttimɣur, win yebɣan temɣwer
Mi gg zmer akk-wen iḍur, a wen dd-iban yeẓwer

Ayen add iḍerun
Xas akken niḍen
Yeḍra-dd zik yakkan
Ur tesɛad d-ac(u) idd yenulfan…

Amaɣbun meskkin, ixerb-as yiḍes
Lḥif t-iseɣlin, yezuzf-as iɣes
Wi rebḥen meskkin, bezef igg kseb
S lerbaḥ-is yezin, yugad ad yesleb
Win ifehmen meskkin, yexreb wallaɣ-is
Wid it-yettwallin, wehmen di ssuq-is

Ayen add iḍerun
Xas akken niḍen
Yeḍra-dd zik yakkan
Ur tesɛad d-ac(u) idd yenulfan ...

I tecbeḥ tayri, ɣer win meẓiyen
Netta a-tt-yettwali, s tmuɣli niḍen
Tettraǧǧu a-tt-beddel, tmuɣli ar ɣures
Temzi tedderɣel, tayri truḥ tuyes
Mi gg uɣal muqwer, yettnadi fellas
Yesarem a-tt-iẓer, wer dd-yeggwri layas

Ayen add iḍerun
Xas akken niḍen
Yeḍradd zik yakkan
Ur tesɛad d-ac(u) idd yenulfan…

Tazmart mi tella, tamusni ullac-itt
Tamusni mi dd-tejba, tezmert tfat-itt
Leɣlaḍ n-temẓi, yesenddan temɣwer
Yella wa-d yilli, ullamek awexxer
Wi ctaqen lehna, ur yufi later-is
Wi tt-isɛan d-ayla, ur yeẓri azal-is

Ayen add iḍerun
Xas akken niḍen
Yeḍra-dd zik yakkan
Ur tesɛad d-ac(u) idd yenulfan…

Aman zeddigen, yisen at sirdeḍ
Aman ad amsen, kečč at izdigeḍ
Tesam-asen i wid, i wen ibɣan tezdeg
Tefsim-as lqid, i win illan yezleg
Acimi i tebɣam, a-tt-fehmem temsal ?
Qimet akka tellam, a wen ggerzen lecɣal…

Ayen add iḍerun
Xas akken niḍen
Yeḍradd zik yakkan
Ur tesɛad d-ac(u) idd yenulfan ...



Espace commentaires... ajouter le votre