Akli Yahyaten

Artiste / groupe : Akli Yahyaten
Genre : kabyle

Paroles : Ɛemmi Lḥusin / Akli Yahyaten     Ajoutées par : tilleli92

Turğiḍ almi d ak-tt-wwin
Tḍemεeḍ ɣer dada-k xemsin
Ya ɛemmi Lḥusin
Tezhiḍ ass m-ik-ttɣennin
Iεeǧeb-ik ṣṣut d aḥnin
A win ur nessin

Tura ifuk leɣna
Ifuk leɣna
Yeqqim ubrid-ik weḥdes

Win yeččan yečča
Dayen yečča
Win ur nečči tarbut tekkes

Tura dayen tefra ṛṛeḥba
Msefraqen iḍebbalen
Mkul yiwen anda iṛeṣṣa
Wa deg ukssar
Wa deg sawen

Wa yeṭṭef abrid n lmerṣa
D lebḥeṛ it-id-iṣaḥḥen
Wayeḍ mi yewwi lḥeṣṣa
Ad iṛuḥ s-irumiyen

Ma d win i wumi truḥ lḥirfa
Yesqaqay am tgarfa
Icṭṭaḥ i-iderɣalen

Tura fukken ccuṛafa
Lmuss-nni izellun yeḥfa
Dayen yeḥfa
Nuɣal akk d izamaren

Turğiḍ almi d ak-tt-wwin
Tṭemεeḍ ɣer dada-k xemsin
Ya ɛemmi Lḥusin
Tezhiḍ ass m-ik-ttɣennin
Iεeǧeb-ik ṣṣut d aḥnin
A mesyu Lḥusin

Win yeččan yečča
Dayen yečča
Win ur nečči tarbut tekkes

Tura ifuk leɣna
Ifuk leɣna
Yeqqim ubrid-ik weḥdes

Wayeḍ ɣef lgaz n Ṣṣaḥra
D netta i yettsewwiqen
Yettseqqi kan ɣer beṛṛa
Nekkni nettawi lewhi s wallen

Wayeḍ d bab n ṣṣuxṛa
D netta i yettṣeṛṛifen
Wayeḍ dima d lmeṣexṛa
Mazal la at ttnahaṛen

Wayeḍ tenɣa-t leḥṛaṛa
Si lqahw ar lḥaṛa
Yuɣal meskin seg iderwicen

Wayeḍ tenɣa-t ccuhṛa
Teḥkem-it Lalla Zzuhṛa
D nettat ig ttsewwiqen

Turğiḍ almi d ak-tt-wwin
Tṭemεeḍ ɣer dada-k xemsin
Ya ɛemmi Lḥusin
Tezhiḍ ass m-ik-ttɣennin
Iεeǧeb-ik ṣṣut d aḥnin
A dadda Lḥusin

Win yeččan yečča
Dayen yečča
Win ur nečči tarbut tekkes

Tura ifuk leɣna
Ifuk leɣna
Yeqqim ubrid-ik weḥdes

Espace commentaires... ajouter le votre