Awras

Artiste / groupe : Awras
Genre : kabyle
Naissance le : 31/12/1969

Paroles : Ay arrac n tefsutin / Awras     Ajoutées par : b_music

Qellebeɣ meṛṛa tifrat ar ass-a ur-d ban
I xedemeɣ ssekra din ur-d iyi-d-yefki' ara
Neqqaṛ wi tettun yettɣuṛṛu-t zman
Yesḥissif yuklal mi ig-ḥṣel di tmara
Lemer feṛẓeɣ laɛyub ansi id-kkan
Tili sḥesbeɣ deg-sen ddeqes di tazwara
Ataya lwaɛd n uzekka a tilelli ur uyeseɣ ara

Bdiɣ asefru yura s yisem n tlelli
Deg ul aḥnin ad yefti ad yessefsi ṭlam
Dacu akk-agi id-yennulfan ger ass-a d yiḍelli
Mazal i lxuf nettdari deg-s yerna leɣmam
Nessaɣ i lḥif d iɣeblan bezzaf tanumi
Ḥaca wi llan d agrawli d win meɛḍuṛ yeḥtam
Zzit tɛelleq uma yeṛṛeẓ wecbali
Ay inigan n tidett ma mazal tellam

Ay arrac n tefsutin erret-d i ṣṣut-iw
Yessawel-awen-d i tegmatt i w'akkan ad-ǧehdem

Ayen akka i nessusem
Lḥal yallas fell-aneɣ ay qebbeḥ
Ayen akka i neggugem
Tidett tettbin am iṭij n ṣbaḥ
Amek akka i newhem
Yek ig-nefɛen siwa kan ṣṣaḥ

Ṛẓan ifadden n tdukli lǧetta-s teɣli
M'akka d yir tesweɛt neɣ laman yenneɛdam
Nebḍa am ibawen ɣef lluḥ seg zik akk'agi
Amek ar anqabel imal ma yella ur nessaram
Melmi ar aɣ-d-iṣaḥ wumur neṛǧa-t irkulli
S lehna d talwit am akken yella deg Ataram
Anda-t win ar aɣ-iwehhin abrid i tikli
Wid ɣef umi nettkel ɣuṛṛen-aɣ acḥal d laɛwam

Ay arrac n tefsutin erret-d i ṣṣut-iw
Yessawel-awen-d i tegmatt i w'akkan ad-ǧehdem

Ay arrac nneɣ
Si tegnit n ddel iẓṛi isaḥ
S tidett i yumneɣ
Tikli-s ɣezzifet abrid-is qeṛṛeḥ
Anwa ar ad lummeɣ
Amenzu d nekk ma xedmeɣ leṣlaḥ

Neccetkay kan i ṛebbi neqqaṛ-as d ilili
Tudert i d-yettaken afus-is yelleɣẓam
Attah terwi tebberwi txeṛeb-aɣ irkkeli
Deg-s lbenna ur telli kra din d asemmam
Lantenneḍ antezzi nettemyeṭṭafed ccḥani
Asmi ar ad iɣab unifi ad as-nessali lemqam
Nettṛaǧu ayen ur nelli lemer aɣ-d-iban melmi
Xas abrid seg zik yenǧeṛ yettban-a-d am laɛlam

Ay arrac n tefsutin erret-d i ṣṣut-iw
Yessawel-awen-d i tegmatt i w'akkan ad-ǧehdem

Ḍalleɣ ar igenni
Nudaɣ-d deg-s asuqel n layas
Anda-k ay itri
Ɣef win i yuysen telliḍ d aɛessas
Ttxilek emmel-iyi
Abrid i tuffɣa weṛɛad yuli wass

S tezmert n tdukli ig-ɣelli umesbaṭli
Deg umezruy yella amedya d Lassumam
A win yeffren i tuggwdi tudert akw d amihi
Tɣelli-d tiyta xas lemer deg wexxam
Ig-ttewten di lɣaci deg iseggwassen-nni
N lḥif d lmerta uma lḥeq d agugam
Ad teddun wussanen ur d-aɣ-d iban sani
Lemer ad nemtawi ad neffeɣ si (yir) lemnam

Ay arrac n tefsutin erret-d i ṣṣut-iw
Yessawel-awen-d i tegmatt i w'akkan ad-ǧehdem
Ay imsefliden
Acḥal aya awal ur d-aɣ-d iṣaḥ
Ma d-iyi-tsurefem
Iles-iw ɣuṛ-wen ma yella qessaḥ
Wid umi izur wudem
Ad iyi-lummen xas tagunit tefḍaḥ

Ay amusnaw n teɣdemt ili-k d amdawi
D izerfan neṛǧa s-ɣuṛ-k aɣ-d-ḍemnen wussan
Ay igduden b (n) wass-a cfu-t ɣef iḍelli
Ataya uzekka u wissen m'ad aɣ-sefḍen wurfan
Ay imassayen n tmurt-a ḥader-t ɣef tmetti
Attan gar-awen ma d nekk fell-i irad lawan
Ay imeɣnasen n tmurt-a ḥader-t ɣef tmetti
Attan gar-awen ma d nekk fell-i irad lawan

Kfiɣ tizlit-a feṣṣeleɣ-tt-id s lɛezza
A wid ifehmen deg-s m'ad tafem lbeṛhan
Azul i lecyax ig-fazen s lǧemla
Wid-ak iɛeddan neɣ wid-nni id-yegweran
A Ṣṣellaḥ neḍmaɛ s-ɣuṛ ciṭt n laɛnaya
Tebweḍ-d tagara a laḥbab di laman
Amedyaz yecna si tmurt n wuzzu d tmara
S imeṭṭi-s yura tamsalt nni iɣ-yuɣen

Ay arrac n Tefsut erret-d i ṣṣut-iw
Yessawal i tegmatt i w'akkan ad-ǧehdem


S-ɣuṛ : Awras
Ay arrac n tefsutin (Tajmilt i imeɣnasen n tmaziɣt)
Hommage aux militants de Tamazight & de la justice

Espace commentaires... ajouter le votre