Bouhi Abdelkader

Paroles : Tagarfa d ubareɣ / Bouhi Abdelkader     Ajoutées par : mohouvouj

Yiwen wass tella tgarfa
Tress ɣef cceǧra
Afeṛmaj deg uqemmuc-is
Uccen tewweḍ-it arriḥa
Tamεayt thegga
I wakken ad yekkes ccer-is

Sbaḥ lxir a tagarfa
A tin yifen taninna
I yettzuxxun s zzin-is
Lqedd d zzin d ṣṣifa
Arric-im d abarkan yeṣfa
Cceǧṛa yecbeḥ yiciḍ-is
Mennaɣ degem lheḍra
Neɣ ula azuḥ n taḍṣa
Tasekkurt ad yeḥzen wul-is

Tagarfa ur tεeṭṭel ara
Γef temεayt ay tesla
La teldi deg-uqemmuc-is
Afeṛmaj yewweḍ ar lqaεa
Si Mḥend bu tḥila
Dayen yeččuṛ aεebbuḍ-is
Imi kem-nerra d lalla
Tin ur d-ten-stahel ara
Tamεayt-a teswa lḥeqq-is

Tagarfa la tefferfer
Deg-genni teεjel
Teẓṛa yeqqers ssuq-is
Uccen deg-ubrid ikemmel
Wissen anda yehmel ?
Ṛebbi i iεlemen s ubrid-is

Tamεayt ayagi d-nexdem
Γef tgarfa d wuccen
D lεebd i teddun s lqis
Lεebd i yellan d lfahem
Iteddu d wid i qefzen
Ur yettweddir lḥeqq-is

Tamεayt ayagi d-nexdem
Γef tgarfa d wuccen
D lεebd i teddun s lqis
Lεebd i yellan d lfahem
Iteddu d wid i qefzen
Anda iruḥ yesεa lεic-is

Ur zmiren ara ad t-kelxen
Neɣ ad s d-t-sxedmen
Wala ad sekksen Tamaziɣt-is
Meyyez kan deg-uccen
S lehḍur d lmeεna i icbeḥen
Deg-genni yekkes-d lεic-is

Ur zmiren ara ad t-kelxen
Neɣ ad s d-t-sxedmen
Ḥaca ma iεemmed i yiman-is
Meyyez kan deg-uccen
S lehḍur d lmeεna i icbeḥen
Deg-genni yekkes-d lεic-is

---