Warning: Use of undefined constant ajout_de_commentaire - assumed 'ajout_de_commentaire' (this will throw an Error in a future version of PHP) in /homepages/45/d228434944/htdocs/MUSIC-BERBERE/index.php on line 72
Djaffar Ait Menguellet : paroles de Ay ul, textes de musique kabyle

Djaffar Ait Menguellet

Artiste / groupe : Djaffar Ait Menguellet
Genre : kabyle

Paroles : Ay ul / Djaffar Ait Menguellet     Ajoutées par : Ccitan

Ay ul iḍelben lmuhal
Mi tǧaɛɛlaḍ yesḥel kulci
Kullas daci d-tettmenniḍ
Ufiɣ laḥsab-ik yuli
Ddem ayen i k-id-iṣaḥen
Ayen i k-ibaɛḍen a nwali

A nwali amek
A ḍnerr yeshel lmuhal
A k-id-nerr adrar d luḍa
A nwali amek
Ma yezmer a d-yuɣal
Yakk ayen akken i iɛeddan yekfa

Ay allen yettextirin
Mačči d yiwet i d-yettruḥun
Ayen ifa aterzemt assa
A t-yif wayen i yettraǧun
Yezga-d yeṣεeb lxetyar
Ger wayen akk i d-yettrusun

Ayen i neẓra
Nugad a t-yif wayen a nẓer
I uzekka a nendem fell-as
Ayen yelhan assa
Azekka yexser
D ayen i nettεawad mkullass

Ayen akken i tugiḍ ay ul
Tebɣi-t mi d-yezga ur-wiyaḍ
Tugiḍ aɛǧab n wallen
Si zdaxel i t-id-twalaḍ
Wigad iwumi i teččektiḍ
Tettbaneḍ-asen-d testufaḍ

Ur nestufa
Iɛarq-aɣ wayen nebɣa
La nettbeddil lebɣi s wayeḍ
Ur nestufa
Ur nuksan-ara
Limmer nufa lebɣi a t-naweḍ

Ur ḥulfaγ mi d-yaγli yiḍ
Ufiγ lebγ-iw dinna kan
Mazal itezzi itennaḍ
Mazal-it anda teǧǧan
Ay ul fru-d rray-ik
Mulac a k-zelgen wussan

Ussan laḥḥun
Ddan d wid iteddun
Win ur nedd'ara yeǧǧa-t lḥal
Ussan laḥḥun
Yiwen ur t-ttraǧǧun
Ɣas ifat di tudart yektal

Msefḥam a tiṭ d wul
Teǧǧam kull lḥaǧa s wass-is
Tudart ɣlayet lqima-s
Fket-as i lweqt azali-s
Ɣurwet a nezgel ayla-nnaɣ
Fiḥel ma nuda axiri-s

Ma ifet lḥal
Yewɛar iwaqqen a d-yuɣal
Ayen iruḥen a nadi fell-as
Ma ifet lḥal
Uɣal d lmuḥal
Yettɣad win iwumi i iruḥ wayla-s


Espace commentaires... ajouter le votre