Faycal Bouiche

Artiste / groupe : Faycal Bouiche
Genre : kabyle

Paroles : Bab n lḥeq / Faycal Bouiche     Ajoutées par : tinna

Wi walan ṭṭir yettwaḥreq
Deg lqefs la yettɣenni
Nekk fehmeɣ ul-is iceqqeq
Iẓri-s yettmir d imeṭṭi

Ddunit fell-as teɛreq
Yedderɣel ur yettwali
Γef win εzizen mi t-yefreq
Mi akken ad t-id-yettmekti
Deg wayen ur yebni yeɣreq
Yegre-d d anagi

Sidi Rebbi d bab n lḥeq, d bab n tlelli
Rruḥ asmi t-yexleq am ṭṭir deg igenni

Ddunit am targit, tessedha imdanen
Yiwen tessefreḥ-it, tmudd-as idrimen
Yettu tajaddit, yeεfes wi ifehmen
Fell-as taṣebḥit, ɣas uḍan ssegrawen

Sidi Rebbi d bab n lḥeq, d bab n tlelli
Rruḥ asmi t-yexleq am ṭṭir deg igenni
Lmut tessawal, tqebbel d tirni
Ma tesεid lmal, neɣ d aẓawali
Γer ɣur-s ara nuɣal, tarewla ur telli
Zwaren-aɣ acḥal, qbel-nneɣ nekkni

Sidi Rebbi d bab n lḥeq, d bab n tlelli
Rruḥ asmi t-yexleq am ṭṭir deg igenni

Argaz mi ad d-iban, yeğğuğeg yisem-is
Γef ugdud yessaram, ad s-d-yeldi yiẓri-s
Ad s-d-sɣimen s lama, wid yellan d atmaten-is
Ad s-d-gerrzen lekfen, yenğer webri-is

Sidi Rebbi d bab n lḥeq, d bab n tlelli
Rruḥ asmi t-yexleq am ṭṭir deg igenni

Espace commentaires... ajouter le votre