Ferhat Imazighen Imula

Paroles : Cennuɣ / Ferhat Imazighen Imula     Ajoutées par : b_music

Amer d nek cennuɣ
A tutlayt nniḍen
Abada tin is ara bennuɣ
Ccan n wid iḥekmen
Amer d nek rennuɣ
Tettuɣ wid yeggugmen
Wid i wumi yerẓa ummenuɣ
Iles d tlelli ɣef id-kkren
Ama ɣer irumen
Γer wεraben neɣ ɣer Cinwa
D lbaṭel id-ğğiɣ d tarwa
Ɛebbuḍ-iw xas yerwa
Ul-iw netta yexwa
N imesbaṭliyen

A gma di Lezzayer
Neɣ di tmazɣa
Akken bɣun wweten abendayer
Tutlayt terɣa
S tmaziɣt hḍer
Yiwen ur tenɣa
Di tmurt-ik d nettat i d leqder
I d tirrugza
Tutlayt i k-yehwan
Ruḥ g-as azal
Issin kan yes-s ula deg igenwan

Ad tekkateḍ uzzal
Nekwni skud mazal
Ur d-nuli
Γef tmaziɣt ara nettazzal
Xas ad neɣli

Nekkini cennuɣ
S ta n baba d yemma
Tamaziɣt tuklal ad tt-bnuɣ

Nettruẓ yes-s ssrima
Fell-as ur kennuɣ
Γef wureɣ s ittaɣen
Ma drus i seddaɣ deg umennuɣ
Aql-i anef-asen ad iyi-nɣen
Xas ma dɣa neẓra
Tamurt d tutlayt neɣ d tutlaytin
Tamurt deg nedder tefra
Tutlayt-is ad tt-nissin
I lemqadra
A gma di Lezzayer
Neɣ di tmazɣa

---