Ferhat Imazighen Imula

Paroles : Ɣef Crif Xeddam / Ferhat Imazighen Imula     Ajoutées par : tamazgha

Crif Xeddam

Ɣas ur t-id yusi naddam
Ilemzi deg zal ittargu
Ismeḥsis i Crif Xeddam
Id icennun di rradyu
Taɣect i s ittaddam
Deg wul-is d udem usefru
Deg-s ar ass’a ur tuddam
Am tayri nni ur itettu

Tmenṭac iseggasen
D laɛmer ɣef itezdel tayri
Tuɣac n Crif fell-asen
D ssker yezzuzer ɣef temẓi
I ccbaḥa yerna yasen
Newwara ṣṣut n tziri
Mi telli imi-s teqqen-asen
Lḥenni I Muẓar Biṭuben
Aked Čikubski.

Ur t-id yusa ara naddam
Arraw-is yid-es ttargun
M’ ara slen i Crif Xeddam
D Newwara I t-id icennun
Leḥnana s itettaddam
Taɣect-nni ɣef i cennun
Deg-sen ar ass’a ur tuddam
Am targit ur ifennun

Ijerriden n ṣṣut yura
D ddwa ɣer yufa umuḍin
Yal tizlit I mi tt-yesna
D aẓeṭṭa n tewkilin
D ssḥur yeksen asigna
Di tegnawt n wul yerwin
Yeqqen s yal tizlit Id yecna
Lḥenni I Muẓar Biṭuben
Aked Čikubski.

D amɣar yettawi naddam
D tarwa n tarwa-s ttargu
Sɛeddayen-d Crif Xeddam
Deg “dbd� Id icennu
Leḥnana s itettaddam
Taɣect I s iten-itthuzzu
Ittɛenni deg-sen ur tuddam
Alama d aneggaru

Taleb Rabah Id yennan
Netta d Wakli Yaḥyaten
D kamal Ḥemmadi cnan
Sliman Ɛazem yecna-ten
Nesɛa acḥal d afennan
Taqbaylit tḥemmel-iten
D Ḥnifa id a sen-yemlan
Lḥenni I Muẓar Biṭuben
Aked Čikubski.

Ur ten-yettawi ara naddam
Ula d wid Id iteddun
Yal lǧil s Crif Xeddam
Ger-asen ara d-yennulfu
Leḥnana s itettaddam
Yal tizlit s ara ssefrun
Tiẓet-is werǧin tuddam
Deg ẓar-nneɣ ur ifennu

---