Hacene Ahres

Paroles : Ayen iyi-teǧǧiḍ / Hacene Ahres     Ajoutées par : ToufikHs15

Yuli wass mazal-iyi
Iɛemmer usigna-w yeččur
Tagnawt fell-i ad tt-miri
Semmḍeγ lǧetta-w teqqur
Tarwiḥt ayid-tt-cetki
S gek berkayi
Aṭas iyi-t-giḍ leγrur
Deg ul-ik wwet ajenwi
Akken ad n-thenni
Di sin uqbel aγ-teččur
Ayen iyi-teǧǧiḍ
Agris d usemmiḍ

Nwiγ lḥaǧa d lheq-iw
Truḥ uqbel ayid-ban
Id yettmenni lxaṭer-iw
Ayen akken is-ḥarmen wussan
Ayen yesserẓagen lɛemr-iw
Yessefclen ul-iw
D asmekti-s iyi-d-yegran
Mi muqleγ deg iman-iw
Yessegr uḍar-iw
Ur yebwiḍ ur yeǧǧi amekkan
Ayen iyi-teǧǧiḍ
Agris d usemmiḍ

Nwiγ fsiγ i tgerssa
Tiyerza-w tebweḍ s aḥdid
Asγar-is yeɛzel yerka
Lmaɛun yuli-t ṣṣdid
Laɛtab-iw anda yella
Ur γelteγ ara
Aɛyiγ ur yekkfi webrid
Mi nwiγ yiwen n lhem yekkfa
Ziγ din i yebda
Wayeḍ yennulfad d ajdid
Ayen iyi-teǧǧiḍ
Agris d usemmiḍ

---