Iflis

Paroles : Nebγa Ad tiliḍ / Iflis     Ajoutées par : b_music

Tugna bwayen ifnan
D umezruy nat zik
Ger wallen id-bedden
Mi sliɣ i ṣut-ik

Xas beddlen wussan
Xas yenfa-ten zman
Ayen akw iεeddan
Yerzef-ed s teɣrik
Tnudaḍ ɣef iẓuran
Ur teǧǧiḍ amkan
D keč i-ɣ-d yesmektan
Ɛziz wesmekti-k

Ɛziz wesmikti-k
Yessefsi ulawen
Ḥnin ṣut-ik
Ttament deg ilessawen

M-id cennuḍ ɣef zik
Ddiɣ di later-ik
Sliɣ deg imi-k
I wayen i-futen
Mugreɣ deg webrid-ik
Ayen yeffer lebɣi-k
Walaɣ di lemri-k
Yuba d Yugurten

Ḥusseɣ i wul yefsa
mi yesla i wcewwiq
Yennecraḥ yeḍṣa
Yettu urfan d lxiq

Tiɣri-k mi d-tusa
Tefrawes tasa
Ay gesεa lhiba
Ṣṣut-ik uḥdiq
Melmi i-d-nemmekta
Lebda tefifiiḍ-aɣ
Neger-ed nehta
Ttxuṣṣeḍ-aɣ ay arfiq

Nebɣa ad tiliḍ
Ṣṣut-ik aḥnin ixus-aɣ
Nebɣa ad tiliḍ
Ɛecrin abrir m-id yusa

Lɣiba-k tesεa lhiba
Ger-aneɣ teǧǧad leḥzen
Anwa ur tḥuz tyita
Lexwbar mi ɣ t-id-ṣawḍen
Tiyita inek d rehba
Ɣef ul iɣ tt-id sersen
Seɣlin lbaz n Tmazɣa
Ar wefrag i-t-id nefḍen
Maca temmuteḍ...ɣef tirrugza
D tiktiwin zeddigen

---