Karim Izli

Artiste / groupe : Karim Izli
Genre : kabyle

Paroles : Taddart / Karim Izli     Ajoutées par : Karim_Izli

Uγeγ γer tfekka-m am tidri
S yiẓuran-is irkelli
Deg wakal n ugelmim
S waṭas n tissas aked tigdi
Lemmer ad fsin tiyersi
I yi-cudden γer yixf-im

Taddart a tin isuḍen
Tazmert γer wul-iw ittseyyixen
Tettsuγuḍ ur gziγ awal-im

A yemma luleγ-d d aksum n uzaglu
Akken i beddeγ am usaklu
Yedded tuyat-iw
Anwa ara yekksen taεkemt n uγurru
Amrar ijebbed irennu
Tenza temgerṭ-iw

Taddart a tin isuḍen
Tazmert γer wul-iw ittseyyixen
Tettsuγuḍ ur gziγ awal-im

Ma nniγ-d yemma bγiγ ad d-iniγ
Akal anida d-gmiγ
Ttḍeγ iffan-im
Yiwen wass d lğerra kan ad d-griγ
Ad uγaleγ ad d-nnerniγ
D nek i d afud-im

Taddart a tin isuḍen
Tazmert ar wul-iw ittseyyixen
Azekka ad temmagreḍ arraw-im.

Espace commentaires... ajouter le votre