Artiste / groupe : Medjahed Hamid
Genre : kabyle
Paroles : Tagujilt / Medjahed Hamid
Ajoutées par : jf-kabyle
D lɛid akk medden feṛḥen
Nek fell-i d leḥzen
Mmektiɣ-d imawlan-im
Ttruɣ ɣef tegmat iyi d inekṛen
D yessis n madden
Iɛuzzen deg umkan-im
Mi ṭṭeffeɣ di twwurt-nsen
Zzin udemawen-nsen
Kukran ad slen awal-iw
Tagujilt la tettmetra
Yiwen ur tt-iwala
Ttun-tt ula d-atmaten
Tetteddu ɛeryan di ccetwa
Ayen akken telsa
D ayen sagren madden
Nettat akka iɣ-d-ḥka
D tidet id tenna
Meɛna w-ara s-d-iḥessen
Di gma-m meqran i zwareɣ
At-mmeslayeɣ
Wissen aht dd-iyi-setḥi
Nniɣ-as aql-i nṭeṛṛeɣ
Lmumen ad t-ɣiḍeɣ
Melmi ad d-iḥnineḍ fell-i
Nek cfiɣ dagi i d-luleɣ
Ulamma ad kem-meṭreɣ
Tiṭ akk n madden ar ɣur-i
Ma d allemas isussem
Amzun yettwaḥkem
La yekkat fell-as ddel
Yeṭṭes ur ɛad inuddem
Ɣef wudem-is lɣemm
Am win yefren deg udfel
Sawleɣ-as yugi ad yefhem
I d-yerna d lhemm
Ad t-ɣileḍ iɛuẓeg ur isel
Uɣaleɣ ar win meẓẓiyen
Ḥkiɣ-as leɣbayen
Nek yid-s i d-nettuṛebba
A gma d kečč ad iyi-refden
W-amma wid meqqren
Mḥan akk isem n baba
Lsiɣ taqenddurt n medden
Di tudert-nwen
Muqlet ma yelha waya