Moh Saïd Oubelaïd

Paroles : Ay itbir ssiweḍ-asen slam / Moh Saïd Oubelaïd     Ajoutées par : tilleli92

Ay itbir siweḍ-asen slam
I warrac akk n tmurt-iw
Idurar n leqbayel
Dinna i yeɣlin watmaten-iw

Letniyen, Yesser, Ceɛbet, wɛan abeḥri n lebḥar
Ṣṣeḥ akk dinna ad tafeḍ-t
Γef lewṭen seblen leɛmeṛ
Ttselim akk fell-assen
Acic d ilemẓi d wemɣar

Iflisen d Tizi Γennif
D seğğaɛ akken ma llan
D tayasa rnan nnif
Ssuq Lḥedd Beni Ԑemran
I yeḍran dinna a lḥif
Tuddar qlen-t d iɣeẓran

Tamurt-iw a tin ḥemleɣ
A tin ɛzizen fell-i
Isem-im Draɛ Lmizan
Tefkiḍ-d irgazen lɛali
D tamurt n rṣaṣ d nniḍam
Yecbaḥ fell-as ma ad nɣenni

Kemmel akin i wedrar
Si tezmalt bdu amerraḥ
Idurar n La Ṣumam
Lğihad dinna i yeflaḥ
Seg Uqbu ar Bgayet
D irgazen yerna d ṣṣaḥ
Seffeḍ-asen akk imeṭṭawen
Sirred-asen akk irkul lejraḥ
Bren-d s adrar n Ḥiẓer
Lebwira d Ttaliṭru
Buɣni ɛeddi Aẓaɣar
Lemɛatqa ar mirabu
I yeɣlin dinna d leḥṛaṛ
Mi ten-id-nfekker ad nettru

Ur tettu At Smaɛel
D lɛerc-iw dinna i luleɣ
Ad k-ceyɛeɣ ruḥ s leɛjel
Ẓur-d akk widak ḥemleɣ
Ben Ԑebderraḥman lefḥel
Aql-aɣ nehlek seḥlu-yaɣ

Err akin s At Kufi
At Ԑli d lemɛella
At Mendas d At Buɣerdan
Ar Letniyen qbala
Amcṛas d Iwaḍiyen
Dhem-d d Iɣil lmula

Err akin s At Buwaddu
Umerrri dinna i yella
Ad tajbuḍ ar At Wasif
Lğihad dinna yeqwa
Ḍewwer-iten-d axxam axxam
Ad d-teffeɣeḍ Benni Dwala

At Yiraten d Micli
Dinna yeqwa ukkarṭuc
Si Tasaft ar At Yanni
D tinna i d tamurt n Ԑmiruc
A Rebbi ḥader fell-as
Balak ad t-yečč ubeɛɛuc

Err akin s iɛeẓẓugen
Seg Uẓeffun ar At Yeğğer
Seṛwan i weɛdaw lehmum
Swan-as ula d lemṛaṛ
A Rebbi ili yid-sen
Leɛnaya nnabi lmixṭat

Effeɣ-d ar Tizi Wezzu
Ar stad bedd ɣef ṣṣur
Ad tferğeḍ la JSK
D tafgen amzun d leḍyuṛ
Acḥal i yeɛziz yisem-is
Isem-is a yerna mechuṛ

---