Moh Saïd Oubelaïd

Artiste / groupe : Moh Saïd Oubelaïd
Genre : kabyle

Paroles : Idurar n leqbayel / Moh Saïd Oubelaïd     Ajoutées par : mohand15650

Ay itbir siweḍ-asen sslam i warrac akk n tmurt-iw
Deg idurar n leqbayel dinna ay ɣlin watmaten-iw

Letniyen, Yesser, Ceεbet, wεan abeḥri n lebḥer
Sseḥ akk dinna ad tafeḍ-t, ɣef lewṭen sebblen leεmer
Tsellim akk fell-asen, aqcic d ilemẓi d umɣar

Iflisen d Tizi Ɣennif d seǧǧaε akken ma llan
D tayasa rnan nnif, Ssuq Lḥedd, Beni Ɛemran
I yeḍran dinna a lḥif, tuddar qqlent d iɣeẓran

Tamurt-iw a tin ḥemmleɣ, a tin εzizen fell-i
Isem-im Draε Lmizan tefkiḍ-d irgazen n lεali
D tamurt n rrsas d nniḍam, yecbeḥ fell-as ma ad nɣenni

Kemmel akkin i udrar, si Tezmalt bdu amerreḥ
Idurar n La Ṣumam, lǧihad dinna i yefteḥ
Seg Uqbu ar Bgayet, d irgazen yerna d sseḥ
Sfeḍ-asen akk imeṭṭawen, ssired-asen akk irkul leǧraḥ

Berned s adrar n Ḥiẓer, Lebwira d Palisṭru
Buɣni εeddi Aẓaɣar, Lemεatqa ar Mirabu
Ay yeɣlin dinna d leḥṛaṛ mi ten-id-nfekker ar nettru


Ur tettu At Smaεel, d lεeṛc-iw dinna ay luleɣ
Ad k-ceyyεeɣ ruḥ s leεjel, ẓur-d akk widak ḥemmleɣ
Ben Ɛebderraḥman lefḥel, aql-aɣ nehlek seḥlu-yaɣ

Err akkin s At Kufi, At Ɛli d Lemεella
At Mendas d At Buɣerdan, ar Letniyen qbala
Amcras d Iwaḍiyen, dehemen-d Iɣil Imula

Err akkin s At Buwaddu, Umerri dinna i yella
Ad tejbuḍ ar At Wasif, lǧihad dinna yeqwa
Dewwer-iten-d axxam axxam ad d-teffeɣeḍ Beni Dwala

At Yiraten d Micli, dinna yeqwa ukarṭuc
Si Tasaft ar At Yanni, d tinna i d tamurt n Ɛmiruc
A Ṛebbi ḥader fell-as, balak ad t-yečč ubeεεuc

Err akkin s Iεeẓẓugen, seg Uẓeffun ar At Yeǧǧer
Seṛwan i uεdaw lehmum, swan-as ula d lemrar
A Ṛebbi ili yid-sen, leεnaya nnabi lmuxṭar

Effeɣ-d ar Tizi Wezzu, ar stade bedd ɣef ssur
Ad tferǧeḍ la JSK, ttafgen amzun d leḍyur
Acḥal i yeεziz yisem-is, isem-is a yerna mechur

Ay itbir siweḍ-asen sslam i warrac akk n tmurt-iw
Deg idurar n leqbayel dinna ay ɣlin watmaten-iw

Espace commentaires... ajouter le votre