Slimane Azem

Paroles : A Tigejdit / Slimane Azem     Ajoutées par : jf-kabyle

A taqbaylit, a tigejdit
A tin ɣef yebna wexxam
Ssbeḥ tammedit argaz weṣṣi-t
In as ad yeddu s lewqam


D kemmini i d tigejdit

ɣef tebna ddunit
ɣurem akw id cudden isulas

ɣurem id senned tkufit
D ucbaylu n zzit
D kemni i d aƐessas
Ma yella ṛṛay-im d irit
Ur tress ara tgejdit
Kul ci ad irab ar ilsas

Kul yum wessi argaz-im
Yess-im d warraw-im
Mmel-asen iberdan yelhan

Jerreb kan deg yiman-im
akken yella wexxam-im
I illan ula d lgiran


Kkes tismin seg wul-im
Lhi-d kan d cceɣel-im
Ad tilim akw di laman

Wessi-ten yiwen yiwen
Melmi ttun fekker-iten
Mel-asen sswab d lmeƐqul


D acu d lfayda g aƐdawen
Bexlaf imettawen
Lxuf d lehlak bb-wul


Akken nella d imdamen
Yak Rebbi nneɣ akw yiwen
Mkul taswaƐt aɣ id itmuqul

Tixer i ẓẓur akw d lmenker
Lebɣeḍ akw d lekfer
BaƐed si mkul lebliyya
Ur ttqezzib ur ḥeqqer
Mkul wa efk-as leqder
Ilha lxir akw d nniyya
Ma yella ternid ṣṣber
Ad yili fellam sser
Anga teddid d lƐafya

---