Slimane Azem

Artiste / groupe : Slimane Azem
Genre : kabyle

Paroles : Alef isefra / Slimane Azem     Ajoutées par : samimag




1.
Nettmenni a w'istufan
Ma yella ulac iɣeblan
Ad d-nnadi timura

Yiwen n lɛilem d ameqqran
Deg durar akk d iɣeẓran
Leḥcic, ajeǧǧig, tara...

Leɣwabi lak d iḥerqan,
Iṭij, aggur d yetran...
I gxelleq Bab n Lqedra !

2.
W'ara ad nesɛu d lǧiran
D leḍyur akk d lḥiwan
Ad nemsefham mebla lheḍra

Ad d-naf lmeɛnat yelhan
Γef ayen yak din yellan
Kul taḥcict, kul ttejra

Lukan ad ɣ-iserreḥ zzman
Xerṣum kra n wussan
Ad d-naru alef isefra!

3.
Lxux, lwerḍ, rremman,
Rriḥa umagraman...
D ayen ur tettamneḍ ara

Asisnu d yifer n zzan
Ttemɣayen deg cerfan
Nettu-ten, ɛerqen-aɣ tura

Ttxilek ay ameksa yeksan
S wulli akk d tastan
Itteffɣen di tafrara

4.
Ad aɣ-temleḍ iberdan
Ssefhem-aneɣ-d ayen illan
Deg wayen ur nessin ara

W'iffɣen tamurt d ameẓyan
D taxbizt ay ten-yenfan
Ma tɣerrben terra tmara

Franṣa, Biljik, Lalman,
La Hollande akk d Ṭṭelyan...
Lber wer t-ǧǧin ara

5.
Akal n lejdud d imawalan
Ulac ayen i t-id-yecban
G wayen i d-neẓra di tmura

La Côte-d'Azur algérienne
A Ǧerǧer ay aɛlayan
Fellak nettɣenni merra

Syinna win i d-iɛeddan
Ad iweḥḥed di Rreḥman
Yawi yides ttefkira

6.
Arraw-is zeynen lhan
Yerna d lfahmin ɣran
Acu n tmurt ur kcimen ara

Lxir, nnif, d el-iman
Yettgallan jmaɛ-liman
Widak ur nḥennet ara

Fellasen aṭas ay nnan
Ula di lkutub uran
Ttarix n ccuɛara

7.
Abeḥri-ines d aḥlawan
Dinna win yeswan aman
Dayen ur trewwuḍ ara

Deg Gellulen a wid yeɣran
Ttjewwiden di leqran
Dɛut ur ɣ-tettut ara

A Sidi Σebderreḥman
A bab n lberhan yeqwan
Γer Rebbi ncalleh tefra

8.
Ruḥ a zzman, rwaḥ ya zzman
I gruḥen d w'id-yusan!
Ger at zik akk d tura

Sel-d a lǧil ameẓyan
I wigad i k-d-yeḥkan
Yerna ur skiddiben ara

F tmurt-ik ay d-ɣennan
Γef ayen yellan iban
Aẓar yettabaɛ tara


Espace commentaires... ajouter le votre