Slimane Azem

Artiste / groupe : Slimane Azem
Genre : kabyle

Paroles : Lfen / Slimane Azem     Ajoutées par : mohouvouj

Asefru-ya m-it uriɣ
Seg iḍes id ukiɣ
Lliɣ tewwi-yi tnafa
Urgaɣ amzun la ttnadiɣ
Ur d iban d-acu id ufiɣ
Kul ci ibeddel ṣṣifa
Ay akken i yehwa ɣenniɣ
Ayen ak la d ttmenniɣ
Ṛuḥent-iyi tirga mxalfa

Leǧnas ak sɛan lfen
Xas ma mxallafen
Kul wa yettawi-d lluɣa-s
ɣar widen it-ifahmen
Am aṛṛuḥ aɛzizen
Iɣlay tzad lqima-s
Mači am ibujaden
Lluɣa n yemmatsen
Ǧǧan-tt a reglen fellas

Lfen yeččuṛ d lemɛani
Ma yella kan d aɣenni
ɣennan yak imeksawen
Isefra arkebn am lebni
S tjaṛib aked tmusni
Ttaɛǧaben maṛṛa medden
Ma dayen ur nban sani
Am aḍu deg igenni
Ur as-ifahhem yiwen

Win yettnadin ad iɣeṛ
Ad imeyyez ad iɛebbaṛ
Lmeɛnat n wid yettɣennin
Yiwen d ṣwab ig-heddeṛ
Yak iban yeḍhaṛ
Lahduṛ-is am taṛṣaṣin
Wayeḍ iɣil kan d aqeṣṣaṛ
Ur yeẓṛa acuɣaṛ
Id yeqqaṛ ayen ur yessin


Espace commentaires... ajouter le votre