Taninna

Paroles : A ddunnit / Taninna     Ajoutées par : mohouvouj

Inni-yi-d ayen a ddunit
S terzegt-im i diyi d trezqeḍ
Inni-yi-d ayen a ddunit
S yir lbenna-m i diyi-d-truceḍ

Yettendaf ul-iw dima
Af zzher i diyi-ixussen
Tettefriwis ṣṣura
S tegrest i datt-yurzen
Iḍes ur t-ssineɣ ara
Igenni-w dima yeḥzen
Di tezmert ur d-iqqim wara
Yejreḥ wul kkawen ifadden

A tafukt anda telliḍ
Ctaqeɣ a yi tesmundleḍ
Inni-d a yen tettextiṛiḍ
Aɛrur-im a yi-t-temmleḍ
Teǧǧiḍ udem-inu yettɣiḍ
Acmumeḥ deg-s ur yettneḍ
Ul-iw yennum seg semmiḍ
D wegris deg-i d-tesxelfeḍ

A ddunit teḥqerḍ-iyi
seg muran idiyi-tefkiḍ
Ayen ilhan tesbadeḍ-t fell-i
Ur t-ttelḥaqeɣ teẓriḍ
Iɣeblan netḍen deg-i
ččuren amur-iw teḥsiḍ
tesɣezfed afus ɣur-i
S yir tikci mi yi-tettektiliḍ

---