Youcef Abdjaoui

Artiste / groupe : Youcef Abdjaoui
Genre : kabyle

Paroles : Tiṭ d wul / Youcef Abdjaoui     Ajoutées par : bouilles

(Y.Abdjaoui)

Tiṭ d wul mcaraɛen
Γer lqaḍi ṣebbḥen
Ṣṣbeḥ zik mazal tafat
Meqqer lexṣem garasen
D lqaḍi yewhem
U mazal ur ufin tifrat

Tiṭ d wul mxaṣamen
Mcaraɛen f zzin
Γer lqaḍi myuzzamen
Anwi tt-id-yewwin

Yneṭeq wul :
« a tiṭ weyyam!
Lukan mačči d kem
Nek lliɣ g umkan n ṭṭlam
Ur ẓerreɣ yiwen

Mi twalaḍ ayen yelhan
Tetteqqseḍ deg-i am-zrem
Deg-m i d-ikka cciṭan
Tkeccfeḍ medden »

Tiṭ d wul mxaṣamen
Mcaraɛen f zzin
Γer lqaḍi myuzzamen
Anwi tt-id-yewwin

Tenṭeq tiṭ ɣer lqaḍi:
« Meyyez ma ḍelmeɣ
Nekki ixleq-iyi-d Ṛebbi
Ad waliɣ w’ad meyyzeɣ

Ul-agi d abuhali
Yenɣa-t ccreɛ
Mi iwala zzin n lɛali
Imenna ad tt-itetbeɛ »

Tiṭ d wul mxaṣamen
Mcaraɛen f zzin
Γer lqaḍi myuzzamen
Anwi tt-id-yewwin

(Tiṭ):
« Ay ul ili-k d lfahem
D ay tebɣiḍ ad k-xedmeɣ
Tettmenniḍ i k- ibeɛden
Si zik d ṭṭameɛ

Di ddunit felli yelzem
Ayen ẓriɣ ad k-t-mleɣ
D keč kan ay d ḍḍalem
Lqaḍi garaneɣ »

Tiṭ d wul mxaṣamen
Mcaraɛen f zzin
Γer lqaḍi myuzzamen
Anwi tt-id-yewwin

(Ul):
« A tiṭ ulac w'ikem iɣelben
D lɛib tzemmreḍ-as
Ǧmiɛ n w ansa d-ikka lhemm
D kem i d ssebba-s

Tesserwaḍ-iyi lemḥayen
D leɛtab kul ass
Ala Rebbi i kem-iɣelben
Rruḥ-iw tzemreḍ-as »

Tiṭ d wul mxaṣamen
Mcaraɛen f zzin
Γer lqaḍi myuzzamen
Anwi tt-id-yewwin

(Tiṭ):
« Ay ul ur k-nwiɣ akka
Ad ḍsen medden
Melmi k-ssekneɣ lḥaǧa
D keč ara imeyyzen

Mi twalaḍ deg-s lfayda
Γer zzat qeddem
Mi twalaḍ ad k-tawi lebla
Ḥed ur k-inni ẓdem »


Tiṭ d wul mxaṣamen
Mcaraɛen f zzin
Γer lqaḍi myuzzamen
Anwi tt-id-yewwin


Espace commentaires... ajouter le votre