Abbani Hacene

Paroles : Nndama / Abbani Hacene     Ajoutées par : b_music

Armi truḥeḍ i wezneɣ acḥal
Deg-m acḥal tewzen tayri
Armi yerẓag fell-i lḥal
I ẓid fell-am usmekti
Aggur uqbel ad d-ilal
Seg wudem-im i d-yeflali
Iṭij sbaḥ mi d-iḍall
Ma ur telliḍ amzun yeɣli

Armi yermel wul di ṭṭlam
I d-yemmekta asmi telliḍ

Ul-iw d asmekti ig yeččur
Yid-m asmi i ddukkuleɣ
Assen sehl-it akw lumur
fehmeɣ yakw timsal faṛzeɣ
Ass-a yal tikli d ugur
I tafat, nekki ddreɣleɣ
Ccwal deg-i yuɣ amur
Mi truḥeḍ lehna-w teffeɣ

Armi i rẓag-it leɛwam
I wezneɣ acḥal teswiḍ

Am ugujil weḥd-i ay d-griɣ
D uguren i sɛiɣ d atmaten
Yir ussan amek i d-ḍḥiɣ
Nekk d lebɣi-w, d ixṣimen
Tamɛict am yid-m ur tt-ufiɣ
A tafsut iseggasen
Lehna d lferḥ I sɛiɣ
MI truḥeḍ tegliḍ yis-sen

Armi yermel wul di ṭṭlam
I d-yemmekta asmi telliḍ
Armi i rẓag-it leɛwam
I wezneɣ acḥal teswiḍ
Armi fehemeɣ sseriya-m
I ẓreɣ d acu d-teğğiḍ
I bɣiɣ ad cnuɣ fella-m
I yezder ṣṣut, ur d-tesliḍ

---