Seg imi ẓriɣ ur zmiren
Ara Imeṭṭawen,
a k-id-arren
Griɣ-ed ɣer leɛnaya n isefra
Amer isem-ik
nutni a t-ssidren
Teǧǧiḍ-ed deg-I
adeddic ur nḥellu
S lmut-ik iɛdawen a yi-neqqen
Acedhi-k yiss-I
yiwen wass ad yeglu
Ɣas ma d tikta nneɣ
I ttaǧwen yemsewqen
Seg waken a mmi
Ik ttcedhiɣ aṭas yakan
Ul-iw I t-iččuren
d ccama-k
ttxil-ek si tura
ṭṭef iyi amkan i lebda
ad sgunfuɣ ɣer tama-k
tikwal diɣen
ttmenniɣ teɣzi n leɛmer
a necrek rruḥ I
s ar a k-seɛfeɣ
s wallen-iw a tteẓred
iṭij m’ ar a d-ikker
Ad teḥdred I wmennuɣ
M’ ar a yeffeɣ
Di sya ar ass
mi sliɣ I yiwen yerna
ɣas leḥzen n imawlan-is
a y-iṣṣeḍlem
Qqareɣ-as deg wul
Mi d ekseɣ asennan
Di leɛnaya-k
ɣef Umezyan sellem.
