Artiste / groupe : Hacene Ahres
Genre : kabyle
Paroles : Xuṣṣen akw iberdan luḍa / Hacene Ahres
Ajoutées par : samimag
Xuṣṣen akw iberdan luḍa
Ay ul-iw yebɣan tigi
Mi yi-d-tesɛeddaḍ ssya
Leḥḥuɣ ɣas ma ur d-iy-ihwi
Σyiɣ lǧehd-iw yekfa
Ḥfan iḍarren i tikli
A rray uɛwiǧ im'akka
I k-yehwa tḍbbreḍ felli
A ddunit a m-tedyanin
Yal tamsalt deg-i lheq-is
Cennuɣ-kem d tizlatin
Yal tadyant s tezlitt-is
La εessreɣ g-ul meskin
Yal asefru deg-s tayri-s
Fellas ala d-yemttiḥḥin
Yal tadyant s tizlitt-is
Yiwen n lxiḍ i dat -yeṭṭfen
Uɣur icudd ṣṣber-iw
Yiwen uẓar i d-yeqqimen
Uɣur tcuddeḍ ay ul-iw
D aẓar nni i tt-iḥemmlen
Din kan i mazal tayri-w
Simmal ussan a t-jebbden
A ssegwzilen di leɛmer-iw
Di tnifift-is ay ḥesleɣ
Mi kecmeɣ lebḥer n tayri
Aḥemmel asmi t-id-bedreɣ
Σemmdeɣ yides a diy-awi
Yettzad simmal a zddreɣ
Deg-s ɣerqeɣ dayenni
Ulamek ara d-ifrireɣ
Tinifift tezzi yessi
Newweḍ-d ɣer tizi n layas
D lawan ma ad d-friwseḍ
Ay ul-iw nehhuɣ kullas
I wassa m'ay-id-thesseḍ
Ma drus acḥal d aseggas
Σeddan yiwen ur t-tɣellteḍ
Err-asen i iɣeblan tilas
Ciṭ i d-yegran m'a t-tfarṣeḍ