Hassan Abassi

Paroles : Ay ḥkan / Hassan Abassi     Ajoutées par : mohouvouj

Nnan ur d i tek usalas
S uxalaf umagramen
Nnan axxam ur nesεi lsas
Ur ittdumu imawlan
Nnan kulci ḥudden-as tilas
Yelha leḥsab d lmizan
Nnan wi sebben i leflas
Tagara yedda εeryan
Nnan temẓi tettewfaṛaṣ
S lḥir ittεeddi wessan
Qqaṛen yelha leqyas
Diri win i tefṛen iberdan
Nnan bu lxir yugar fell-as
Muḥal at iɣuṛ zman
Acḥal d argaz bu tissas
yettwaɣedṛen di laman
Nnan diri wi(n) iqeṭṭεen layas
Ccedda ttalwit ittyetbaε(e)n
Nnan ur yettali wass
Γef win yewwin daεwessu imawlan

Ay ḥkan
Ay ḥkan d wa yennan
Imɣaṛen n zman

Nnan win ijaṛebn lmeḥna
Yeẓṛa meskin aṛẓaget
Ma d win (i)tt id yufan tebna
Akken yebɣa i yesserwet
Nnan win yeεṛan di cetwa
Yeḥṣa cetwa semmḍet
Ma d win yeṭṣen di tṛakna

Γur-s cetwa d lǧennet
Nnan iṭij ma icerqed
Ur t-iteffer ara uγerbal
Nnan asif ma iḥemml-ed
Ur t-id-iḥebbes uffal
Nnan timess ma tceεl-ed
Tessefsay ula d uzal
Nnan tagmat ma teǧhed
Yiwen ur yezmir a ttinal
Nnan bu lbaṭel ma ibegss-ed
Yiṣṣawaḍ ar lmuḥal
Kra n win ijehllen yerss-ed
Ayen yexdem a da s-yuγal

Ay ḥkan
Ay ḥkan d wa yennan
Imɣaṛen n zman

Qarren argaz bu nnif
Γlay γer medden yeswa
Akken yebγu yuγal di rrif
Tettidir-ed γur-s tarwa
Nnan ur yettdum lḥif
Mkul aṭṭan yesεa ddwa
Amek ara tilliḍ d uḍrif
Ma yella uεebbuḍ yexwa
Abrid akken yebγu yiγzzif
Mkul wa ileḥu akken i s-yehwa
Iγes ma ifukk deg-s wadif
Tettfuku deg-s lqquwa
Qarren zwaǧ n bessif
D aṭan ur nesεi ddwa
Bab-is yezga deg uγillif
Amzun d rraǧ i yesswa
Nnan madden mači kif kif
Mkul wa amek yettak lfetwa
Aṭas I yezha lexrif
Yedda εeryan di cetwa

Ay ḥkan
Ay ḥkan d wa yennan
Imɣaṛen n zman

Win izerεen kra a tyemger
D lxir neγ d issenan
Lεyub ttraǧǧun tewser
Imiren akk I d-ttlalen
Nnan ur yettwakkes sser
Γef win yellan d lmumen
Meεna mi yeγli wezger
i ttagaren ijenwiyen
nnan win iḍeεfen yettweḥqer
nekrrent ula d atmaten
am lbaz yerrez yifer
neqqden deg-s igerfiwen
qarren yewεer nnger
win ur nesεi dderya yeḥzen
win ten-yesεan yerwa amdeger
yerwa akkeser d usawen
qarren akken nebγu nḥebber
d rebbi i yettḍebbiren
kra n win ur nuki zik yekker
ulac I t-id-iṣaḥen

Ay ḥkan
Ay ḥkan d wa yennan
Imɣaṛen n zman

Menyif tidet iqerrḥen
Wala lfruḥ n lekdeb
Tidet win itt-iheddren
Tterrant madden yesleb
Aṭas i neẓra deg-sen
Win ten-ifen rrant yesleb
Tagara ḍṣan fell-asen imi
tawriqt-nsen teqleb
Lxir d ccer d imsaεfen
Win yefγen wayeḍ a d-iqerreb
Ulac anwa iten-ifehmen
Ala win yellan ijerreb
Nnan kulec d idrimen
Win ten-yesεan kulec a t-yekseb
Nnif d lḥerma γlayen
ur ttnuzzun ara s ddheb
Si zik akka i qarren
Yelha laεqel d uḥezeb
i webrid yiwen yefγen
Ur k-yettγiḍ ma yegrireb

Ay ḥkan
Ay ḥkan d wa yennan
Imɣaṛen n zman

---