Zedek Mouloud

Paroles : Dda Sliman / Zedek Mouloud     Ajoutées par : LeBylka

Iɣi d weɣṛum aquṛan
Akked tqecwalt n yiniɣman
Гef uẓekka n Dda Sliman
Ma Moisac d Agni n yeɣran ?
A “Crysantheme�!
Ad ak-iniɣ: nekk d afennan
Tudert-inu; tesseḥzan
Erriɣ imal deg yizeryan
Acemma ur iban ara
Ad ak-iniɣ: nekk d afennan
Yecnan, yessefran, yuran
Xedmeɣ tizlatin, izlan
Nwiɣ; ṭṭṛad s isefra!
Amen-iyi
Ad ak-iniɣ: nekk d afennan
Imeslayen-iw d inagan!
Ayen i εawzeɣ ay uḍan
Ass-iw, ur d-yuli ara
Amen-iyi
Amek ara ak-xedmeɣ a ccna?
Ma yella isefra d ilmawen ?
Amek ara am-geɣ a snitra
Ma ifassen cudden, ttwaqnen ?
Amek ara mmagreɣ tinna?
Amek ara tt-xeẓṛent wallen?
Ay abrid ur nettfakka
Yerra-d weḥdid iḍaṛṛen
Winna-ken i d-yegran weḥd-s
Ad iḥekkeṛ, ad iwali
Yif-it meqqaṛ ad yeḥbes
Ma ur yelli ara d-yessali
Taεekkemt-is mi ara tt-yesres
Win i tt-irefden ad t-tesseɣli
Wa ad ikeεεer wa ad yewhem deg-s
Amek i yeṭṭef almi d ass-agi?
Ayen bubbeɣ d asawen
Mi ara as-d-bruɣ d akessar
Win yeqqaṛen: “zemreɣ ass-nâ€�
Ad t-id-yeḥbes ma yezmer
Ad as-yessendi ifassen
S idmaren-is ad t-yemmager
Mi s-yesdegdeg iḍaṛṛen
Syinna ad as-yewwet ad tekker
A tidderɣelt n ucelfux
Ayen akken ur necbiḥ yecmet
Anda-ken i tedleg s wabux
Berriket ur mellulet
Ma icerreg iɣusa ucmux
Ḥeḍṛu-t-id ad ifettet
Yal mi ara yeffer ufṛux
Yetteffer i wakken ad yemmet
S wulac i ttmagareɣ ussan
Akken i llan i asen-lliɣ
Akken i ttmagareɣ uḍan
Nekk d ṭṭlam urǧin i tt-friɣ
Tamuɣli tcudd ɣer yitran
S itri amer walu ttmenniɣ
Ay at leqyud d yiciddan
Ǧǧet-iyi abrid ad εeddiɣ
Yiwen yecna s Teqbaylit
Neẓṛa ɣef wacu i yecna
Yiwen yecna Taqbaylit
Yeẓṛa ɣef wacu i yella
D tadyant d aserhu d tafrit
D uktu ur yettbeddil turda
Win ur nesεi tamagit
Xas yesεa, d acu i yesεa?
Ma nniɣ-ak: «cwiṭ, aṭas»
Ẓṛiɣ ur d-tfahmeḍ ara
Ma nniɣ-ak : «a cwiṭ, aṭas»
Ẓṛiɣ ur k-ilaq ara
Ixṣimen-ik hudden-k si lsas
Deg-k ur d-yegri ucemma
Winna-ken iwumi kksen yemma-s
Deg-s ur d-ǧǧin ara
La tberren, la tettezzi temrilt
Iḍall yiṭij ɣef yiɣallen
Ur kem-ḥwaǧeɣ a tajmilt
D acu i yeḥwaǧ win yuḍnen?
Гef uẓekka-w ur ssiɣit taftilt
Ula iwumi ijeǧǧigen
Ad awen-tt-id-ǧǧeɣ d tawtilt
Ay arrac n yigawawen

---