Zedek Mouloud

Paroles : Liḥala n Tmurt / Zedek Mouloud     Ajoutées par : mohouvouj

( Liḥala n Tmurt : version - 2008)

D aẓɣal aḍu n ṣṣaḥṛa
Lɣeṭ, asigna
Aɣebbar af tidi iɣerres
Am aken innul-d lqaɛa
Seg aken yeṛɣa
Andat yiṭij a times ?
Wi ṛẓagen iqeɛɛed-as i ccna
Akken itt-yebɣa
Ugadaɣ ad cbuɣ ɣuṛes
A yemma-inu
Ula yiwen ur d-yiṛǧa
Ul amek it neǧǧa
Yeẓṛa webrid aten lḥu
A yemma-inu

Ay iculliḍen ittafgen
Am igerfiwen
Yal mi ara s-yehwu i waḍu
At uṛsaḍ d wafrasen
Id yeččan ixxamen
Tuɣal tmurt d agudu
Att-feggiḍen izuliɣen
S alanda ara awḍen ?
Ssya wesya ad tt-fuḥu
A yemma-inu
Ma akka-agi id iqbayliyen
Yeqqaṛen nessen
Inas igma d aɣurru
A yemma-inu

Lqahwa, igiṛṛu, lǧeṛnan
Lkas n waman
J.S.K. d acu ara texdem?
Maci d keč id iyi-irzan
A kawkaw yezzan
D uglan-iw id iyi k-ikksen
Ɛyiɣ di ṭṭabla n duxxan
D ubriki yeḥfan
Ak d ccemma deg yiculliḍen
A yemma-inu
Ur cukkeɣ ak-geɣ ay axxam
Ssegran-k wussan
Inas i lǧuheṛ ayi-tettu
a mmma-inu

Deg-neɣ teggul tsumta
Zzhaṛ d ccmata
Nek yidem ixreb-aɣ wusu
Yeɣli lmetred iɣusa
D ayen ṣeḥḥa d lehna
A tayri n d daɛwessu
Kem rran-am tilisa
Nek ulac littaɛ
Tugiḍ nek yidEm att-nefru
A yemma-inu
Isli, tislit, tissulya
Ur zmireɣ ara
Yif-it ur ttid-nettɣurru
A yemma-inu

Ṛṛmel deg asif yekfa
ur yeqqim uba
wammag ay aɣerbal-iw
Llǧin yeḥfan si tarda
Inɛelbu lxedma
Lḥif d lḥif a lḥif-iw
Lamer s-zmireɣ i lbiṛṛa
Yulin di ssuma
Ad m-d-smireɣ aɛebbuḍ-iw
A yemma-inu
Ad ɛeddiɣ ar bu ccira
Ad gezmaɣ ɛecṛa
Meqqaṛ ad yinig uqerru
A yemma-inu

Neɣ ad griɣ di tinna
Ur d-tegri tmenna

Neɣ ad d-griɣ di tinna
Ur d-tegri tmenna
Syinna am id zufeɣ abbu
A yemma-inu

Neɣ ad d-griɣ di tinna
Ur d-tegri tmenna
Asirem as zufeɣ abbu
A yemma-inu

Neɣ ad d-griɣ di tinna
Ur d-tegri tmenna
Tamaziɣt as zufeɣ abbu
A yemma-inu

---