Artiste / groupe : Aït Menguellet
Genre : kabyle
Vrai nom : Abdenbi AïT MENGUELLET
Naissance le : 16/01/1950
Paroles : Tiregwa - 2ème chanson / Aït Menguellet
Ajoutées par : LeBylka
Mugreɣ-d ttejra ilili
Almi d ass-nni
I ḥṣiɣ s lweṛd iteqqes
Nniɣ-as kker yugi
I zzheṛ ur nuki
Ruḥeɣ ǧǧiɣ-t ad yaṛwu iḍes
Taftilt I qaṛṛeb ar texsi
Zzher bu yɣisi
Itbeɛ-t-id useɣṛes
ṣbeṛ a yul-iw dayenni
Baṛka-k asteqsi
Kra tmennaḍ wwḍen ɣer-s
Fkiɣ I yɣeblan awal
ṣebṛeɣ I lmuḥal
Xas tenna uɣal-d a yuḍṛif
Wwiɣ-d medden ad i-wansen
D widan nessen
Felli ma d-ssuzfen lḥif
Nuɣal seg wid yessusmen
Nugad aɣ-slen
Nettwexxir nuɣal di rrif
Akka I d-as-yehwa I lmektub
Wis ma newwi ddnub
Nettṛaǧu aɣ-d-yebru wasif
A tafat n dunit-iw
Yesxaṛben temẓi-w
Melmi ara d-id-tṣaḥeḍ
Baɛdaɣ tebɛed ɣef wallen-iw
ɣef sin yebḍa wul-iw
ɣef wacu ad-i-d-tlummeḍ
Ulac lḥed I tlufa
Ulac amcafaɛ
Siwa kem ad tessiwleḍ
Mmel-iyi-d ma d kemm aya
Mmel-iyi-d ddwa
Melmi ɣur-i ad tuɣaled
Acḥal I hedreɣ fell-am
Seg-m arǧiɣ sslam
Urǧaɣ win turǧa taryel
Aqli usiɣ-d d abaṛṛani
Aṛwiɣ anadi
Mi qaṛṛbeɣ lebɣi-w yerwel
Ayen I mi yezmer leqlam
Yerra-t-id d ayla-m
Deg sefra yezga iɣeṭṭel
Mazal a ttnadiɣ fell-am
Gar wallen ṣṣifa-m
Ma mmuteɣ yid-I ad tenṭel