Amezruy ires ɣef tira
Wi ur yurin ara
Isem-is yessard-it wanẓar
Γef waya ar tura
Teskiddibaɣ tmara
Id-yettarran tiwwura
Γef wansi id-nuɣ aẓar
D wayen i nra
Amezruy xas d tira
Ccfawa am tura
Ma ur tt-nesway ard taɣar
A yisefra
Tteddayet-ed ɣef tmura
S tidett temrez tuffra
Ad as-isel ilemẓi d wemɣar
Mebla tuttra
Keč a yizli id-nesmaray
I wul yefuden
Ttxil-k teddu ssefray
Asirem-agi id-neskaray
D igran n yirden
Di trawa-nneɣ tesɣaray
A yasmi nbed am yiwen
Nga-d afriwen
I tmaziɣt ad tettferfir
Deg urawen
I si nesdukel ulawen
Nekker-d am yizmawen
Akken a nezwi akufir
I ɣ-d-yurzen
Nugi llakul i ɣ-yugin
Meskud ur ɣ-d-gin
Deg-s i tmaziɣt amkan
Nteddu ɣef tirgin
D nitni i yettargigin
Temn cchur ur ngin
Armi ṭṭma i yekkan
Win ur yezgin
Yerẓa asirem id-neskaray
Yugad ad yefti
S tmaziɣt ad at-nesɣaraɣ
Keč a yizli id-neskaray
I fad n wesmekti
Kemmel abrid-ik ssefray
Keč a yizli id-neskaray
D tirẓi n tsusmi
Amezruy-nneɣ sɣaray
Asirem-nneɣ ad ittnernay
Γef wemnar n yimi
N tamaziɣt si nesfray
