Cherif Kheddam

Paroles : Tekkseḍ awal seg mi / Cherif Kheddam     Ajoutées par : tinna

Tekkseḍ awal seg mi
Tğaɛleḍ ad susmeɣ
Iles ma yugi ad iɣenni
S ufus-iw a tid ketbeɣ
Ɣas tekksed-iyi izri
Ɣef teɣmert-iw ad Ɛasseɣ

Tarrid i wawal lɣem
Akken lhedra truḥ m-bƐid
Muqel zdat-ek xemmem
La iteddu lğil d ajdid
Ur iqebbel ad issusem
Ur ik iqqar aha efk-iyi d

S tsusmi a d yawi lḥeq-is
Macci d aɣummu uɣerbal
Izra ad yecreq yitij-is
Izra atid isaḥ wawal
Ma yetbaƐ abrid n widen is
D ayen i yesƐa d ras n lmal

Ma qlent fell-as tmedlin
Ad isewwel ddaw wakal
Lḥeq-is fell-as ad nadin
Igad iwezznen awal
I wid d igran ad walin
Uqbel a ten ifut lḥal

---