Ideflawen

Paroles : Berouaguiya / Ideflawen     Ajoutées par : b_music

D-ameḥbus d bu ikurdan
Di Berwaggiya
Ččiɣ aɣrum d-aberkan
Di Berwagiya

Tinna akken i-ğğiɣ tettru
Mi εeddan laεwam
Ugadeɣ ayi tettu
Ah ya ddin qessam !

D-ameḥbus d-bu snasel
Yarn(u) ur xdimeɣ
Di Berwagiya ncekkel
Akken ad issineɣ

Refdeɣ allen-iw s-igenni
Yeɣli-d fell-i ṭlam
Nniɣ-as ass-a ad i yawi
Ah ya ddin qessam !

D-ameḥbus dagi yewεer
Di Berwagiya
Am tejra i nettɣar
Di Berwagiya

Zik-nni mi nesfillit
Ad xedmeɣ lewqam
Ziɣen zehr-iw d-irit
Ah ya ddin qessam !

D-ameḥbus andda-tt tura ?
Akin i wedrar
Akken ad amneɣ tura
Izad neɣ yugar

Mi ruḥeɣ ad ziɣ ɣur-es
Ad rzuɣ ɣur-em
Yettgami ay-id yas iḍes
Ah ya ddin qessam !

Ẓṛiɣ d-acu iggunin
D agi ara mteɣ
Imeṭṭawen d-gi ur llin
Ass-en m-ad-fɣeɣ

Ad asen ad iy-awin
Ad bedleɣ axxam
Ad suɣeɣ ddaw tmedlin
Ah ya ddin qessam !

---