A wid iɣiḥekmen
yewded lawan ad-truḥem
ad-thenni tmurt seg wen
ulac win ara k n irun
ulawen-neɣ ççuren
nerwa akessar d usawen
nebɣa ad-nettu udmawen-nwen
tura kkert ad telḥum
bɣan w arrac ak n ttun
tettakrem yerna trennum
teççam terwam tessagrem
yeddukel umcum d umcum
d idamen deg ifasen-nwen
ma d tura kkert ad ttelḥum
d nnuba wid meẓẓiyen
bɣan w arrac ak n ttun
bɣan w arrac ak n ttun
tafsut-neɣ d anebdu
thedrem nukni nettargu
tennam Lezayer ad-tnaḥyu
ad-ban tafat-nwen
arrac bɣan zhu
bɣan ccna d usefru
ayyen ilhan ad-yenulfu
ad-yaḥlu ul-nsen
bɣan w arrac ak n ttun
naḥḍar mi tɛadam tilas
dayen ur neqbil yiwen
nebɣa as nefku i zhu nnubas
anfarḥ medden ad ferḥen
am tizyiwin di leǧnas
anda i t-cud ad tteṣɣersem
bɣan w arrac ad-zhun
