Si Moh

Artiste / groupe : Si Moh
Genre : kabyle
Vrai nom : Mohamed AHMANE
Naissance le : 12/05/1959

Paroles : Mači wi ibedden / Si Moh     Ajoutées par : mohouvouj

Mači wi ibedden iṣeḥḥa
Mači wi ṭṭṣen d amuḍin
Mači win teẓṛiḍ yeḍṣa
Ad tɣilleḍ yesɛa zhaṛ yukin
Tella taḍṣa n leḥṛaṛa
Yella waddud n tmara
Yella w-ur neḥmil ara
Di tlufa medden at walin

Ussan ur ɛdilen ara
Xas tafat tesdukel-iten
Lexmis mači d lǧemɛa
Lḥedd mači d letnayen
Ass kulwa d-acu is-yefka
M-kulwa aken it-yufa
Yella wass d-yettasen ilha
Llan wussan diri-ten

Yiwen akken tt-iwala
Wa iwala-tt akken nniḍen
Tamuɣli ur taɛdil ara
Xas kseben medden ak allen
Hatt tiṭ-iw ayen twala
Lɣaci ur mcuban ara
Imdanen ur kifkif ara
Xas tutlayt tesdukel-iten

Tella tsusmi yettṛebbin
Tella tin yetthuddun lqum
Tetthud win akken yettsetḥin
tbennu ṣṛaya i-wemcum
Ṭṭuqtent tmusniwin
Mxallafent tmuɣliwin
Wa yeqqaṛ akken ad yissin
Wayeḍ i wakken ad yečč aɣṛum.

Espace commentaires... ajouter le votre