Si Moh

Paroles : Ur neslib ara / Si Moh     Ajoutées par : Taftilt

Limer a ttezṛeḍ dacu i-zṛiɣ
Dayen ur iqebbel laεqel
Xas bɣiɣ a t-idiniɣ
Maεna ger tuɣmas yewḥel
Yaha, ur d-qqaṛeɣ ara
Mulac a s-tiniḍ yesleb
Neɣ laεbad ur aεdilen ara
Ya mkul wa amek i g-ḥetteb

Nekk yidem ur neslib ara
Niɣ tezṛiḍ nesεa laεqel
D afham ur ɣ-fhimen ara
Imi akka nugwi a nejhel
Negmen a n-beddel ddunit
A s nessers udem nniḍen
Ziɣen udem i s-nefka tugwit
Tugwad a tt-ḥemmlen medden

Nekk yidem d lehna ay nebɣa
Ur nebɣ-ara ayen nniḍen
Yufayaɣ-d lḥal naεya
Γas mazal-aɣ d-ijdiden
Numen s tudert a t-mmet
Ata lḥeq anda yella
Tixeṛ i zman a d yesserwet
Di tselbi-s anef-as yezha

Ayen akka nugwi ad nehdeṛ
Yaεni ulac dacu a d-nini
Neɣ nugwad a d nessexṣeṛ
Ttif xiṛ-aɣ a neṭṭef imi
Γef ayen i nezga nessussem
Ur nekkat ur nettḥuddu
N-ṣebbeṛ nezmer-as i lhem
Γas d-imeṭṭawen iɣ d-ittmuddu

Muqel amek i d-negwra tura
Nugwi a neḍṣ nugwi a nettru
Naqbel kra iɣ defka tira
Numen s Ṛebbi d amsaεfu
Tisselbi temẓi tεedda
Temɣuṛ tettakwer zdat
Muqel ccib amek iɣ yebda
Attan yiwet a t tid snat

---