Slimane Azem

Paroles : A wid ijebden leqlam / Slimane Azem     Ajoutées par : mohouvouj

A widen ijebbden leqlam
Init-iyi-d ma turam
Γef widen iγur zman
Di lmeḥnat ma tesεeddam
Ad yilli tjerbem ,tecfam
Amek i kun-id-qublen wussan
Ma yella tεacem terwam
Di ddunit tcaxem tezham
Ur yelli d acu i kun-yecqan

I lukan ay atmaten ay atmaten
Ad neseḥsab ad newzen
Weḥdi i rebbaγ lḥif
Kra n widen yettmeyyizen
Ma yella llan d irgazen
Illaq ad ten-yawi nnif
D lluγa-nneγ i yi-γaḍen
Amek alarmi i tt-ḥeqren ?
Tettwaεzel tuγal di rif

A widen ijebbden leqlam
Init-iyi-d ma turam
Γef widen iγur zman
Di lmeḥnat ma tesεeddam
Ad yilli tjerbem ,tecfam
Amek i kun-id-qublen wussan
Ma yella tεacem terwam
Di ddunit tcaxem tezham
Ur yelli d acu i kun-yecqan

Eḥkan-iyi-d fell-asen
Qeṣden-tt-id ad aγ-tt-ekksen
ama s rḍa ama bessif
Daymi i qqareγ i imeẓyanen
S lmeεnat mmelγ-asen
Amek ar'ad zegren asif
Yak leḍyur mmxalafen
ḥesset-asen m'ad ttemsawalen
Yal yiwen akken yettiẓẓif

A widen ijebbden leqlam
Init-iyi-d ma turam
Γef widen iγur zman
Di lmeḥnat ma tesεeddam
Ad yilli tjerbem ,tecfam
Amek i kun-id-mmugren wussan
Ma yella tεacem terwam
Di ddunit tcaxem tezham
Ur yelli d acu i kun-yecqan

Teẓram akk a leqbayel
Anw'i d mmi-s n laṣṣel
D win yettḥeziben i nnif-is
Lukun nemǧaza naεdel
Erray-nneγ ad yeddukkel
Yal w'as-d d-iḍehr ummur-is
Ma nettεemmid i lbaṭṭel
Ad nuγal akk am eṭṭbel
Yal w'ad d-iheggi aεrur-is

A widen ijebbden leqlam
Init-iyi-d ma turam
Γef widen iγur zman
Di lmeḥnat ma tesεeddam
Ad yilli tjerbem ,tecfam
Amek i kun-id-qublen wussan
Ma yella tεacem terwam
Di ddunit tcaxem tezham
Ur yelli d acu i kun-yecqan

---