Slimane Azem

Paroles : Ccreɛ n lḥiwan / Slimane Azem     Ajoutées par : FERILUS

Seg wasmi i d-yexleq zzman
I mmsefhamen lḥiwan
Weḥd-nsen ḥedd ur yeẓri
Bab n yiɣil ad d-iban
Ad yuɣal d sselṭan
Yettuɣaḍ win ur nezmir
---
Macahu ɣef lḥiwan
Aserdun, izem, uccen
Zedɣen deg yiwen n umkan
Kul tameddit ad mlilen
Ma yilin mǧazan rwan
Ma lluẓen ad ttnaɣen
--
D cctwa seɛben wussan
Agris akked yideflawen
Ttrajun mi ara d-yas lawan
Lexrif-nni i d-numen
Siwa aserdun i yerwan
Uccen akked yizem lluẓen
Yenna-as wuccen i yizem :
« aserdun d yir cetla
ilaq a sidi lḥakem
ad t-nečč ad ttemḥu lǧerra-s »
ccreɛ akka i yeḥkem
imi d aɣyul i d baba-s
--
Kkren ruḥen s aserdun
Qesden-t urɛad yuli wass
Nnas-as : « yeffeɣ-d lqanun
m kul yiwen ad d-beggen ccetla-s
lumur akka i teddun
kulwa ad t-iqabel wayla-s »
--
Aserdun yenna-asen :
« mi temǧazam rḍiɣ
ma d lasel-iw
d ayen i isehlen
isem n baba ad t-id-awiɣ
mazal leɛqul s imɣaren
ad ruḥeɣ ad ten-id-seqsiɣ »
--
Aserdun yefhem lamer
Fell-as i d-mcawaren
Mi yeẓra tagnit texser
D iḍarren-is i d-isemmer
Ffɣen-d akk am yiẓebgen
--
Yewwet izem s angir
Rekɛen deg-s imesmaren
Yeqleb yeɣli ɣer deffir
Allen-is belɣent d asawen
Uccen yebda la as-idewwir
Yessawal i yinebgawen
--
Ilum-d yizem ɣef wuccen
Yenna-as : « kečč d aɣeddar
nella nekk yid-k d iḥbiben
ɣef userdun i d-nemcawar
mi teẓriḍ ɣliɣ dayen
ilaq-ak ad iyi-d-terreḍ ttar »
--
Yuɣal iǧaweb-it wuccen
Yenna-as : « a yamehbul
keččini teɣliḍ dayen
yekkfa leɛqel d lmeɛqul
ddunit tedda d win ibedden
ɣas ma yella baba-s d aɣyul »

---