Slimane Azem

Paroles : Tlata yeqjan / Slimane Azem     Ajoutées par : samimag

Ḍewwren-iyi tlata yeqjan
Sseglafen felli: hab hab hab...
Ẓerrben-iyi-id yak iberdan
Bɣan ad diyi-kksen leḥbab
Kul-yum sseglafen felli
La d-qqaren: hab hab hab...


Ur ten-wwiḍeɣ ur ten-ɛniɣ
Nitni ttnadin lǧerra-w
Mi yi-d-slan la ttɣenniɣ
Hesben-iyi d aɛdaw
Ur fhimen d acu i d-nniɣ
Sseglafen felli: haw haw haw!...


Yiwen deg-sen d awessur
Meqqer yeccuref d amɣar
Ṣṣura-s merra teqqur
Ma d aseglef yewɛer
Γur-s tteḥnac deg saɣur
Ah...iqubel-d amnar!


Wissin daymen yeshetrif
Am win yewwet zuɣam
Kulla-yum yečča-t lḥif
Yusem seg at wexxam
Γur-s tteḥnac deg seqqif
La yesseglaf i ṭṭlam


Wis tlata d amessas
Ur yeggan ur yesgan
Yesseglaf deg iḍ deg wass
Yettcewwil lǧiran
Iɣill d netta ay d aɛessas
La yettseggiḍ iɣsan

---