Yufitren

Paroles : Tutlayt nneɣ / Yufitren     Ajoutées par : mohouvouj

Xas ma ad tḥebesem ṣṣut-iw
Mazal ! ad yeqqim yiles-iw
Iles tadyant att yaḥku

Xas ma ad tgezmem iles-iw
Mazal ! Ad yeqqim ufus-iw
Afus tikti att yaru

Xas ma ad tgezmem afus-iw
Mazal ! Ad yeqqim uḍaṛ-iw
Aḍaṛ abrid at yelḥu

Xas ma ad tgezmem aḍaṛ-iw
Mazal ! Ad yeqqim uẓaṛ-iw
Anza-s lebda ad yettsuɣu.


Xas ad tcargem idlisen
Ad temḥum akk iḍṛisen
Awal deg imi ad yeqqim

Xas ma aɣ-tekkesem allalen
Nesɛa allaɣen d iɣallen
Ɣeff tutlayt-nneɣ anefk idim

Mazaleɣ nesɛa ifadden
Idammen nneɣ rekmen
Nbedd ass-a, mači neqqim

Mazal ttlalen-d ilmeẓyen
Yeṭṭfen deg ansayen
Tasuta, di tsuta tettlaqqim

Xas tqelεem akk imɣan
Mazal qqimen-d iẓuṛan
Nella iḍelli, an ili ass-a

Amezruy nneɣ azedgan
Yedder d leqṛun iban
Seg asmi id bda talsa

Xas ma yebḍayeɣ zman
Idlisen fell-aneɣ uran
Ar ass-a mazal tilisa

Tutlayt nneɣ ṭṭfen yezlan
Tedder, tedda d wussan
Fell-as n ṛebba tasa



Kset tayri i yelmeẓyen
Taṛnu-m cna i fennanen
Tenfum akk widen yeɣṛan
Arret ar lḥebs inaɣmasen
Tebrum-d iyemcumen,

Tɣezzem aẓekka i izerfan
Imi iɣ id ttawḍem s ixammen
Mazal ad azlen idammen
Ad neffeɣ an suɣ deg ibardan
Ad twalim s wallen nwen
Mara d-zzi s aqarruy nwen
Akun neqlaɛ seg iẓuṛan

Xas tqelεem akk imɣan
Mazal qqimen-d iẓuṛan
Nella iḍelli, an ili ass-a
Amezruy nneɣ azedgan
Yedder d leqṛun iban
Seg asmi id bda talsa

Xas ma yebḍayeɣ zman
Idlisen fell-aneɣ uran
Ar ass-a mazal tilisa
Tutlayt nneɣ ṭṭfen yezlan
Tedder, tedda d wussan
Fell-as n ṛebba tasa

---